آرمی چیف کی تعیناتی کا معاملہ،عمران خان سے مشاورت کے بعد صدر مملکت نے فیصلہ کر لیا – nation92news

آرمی چیف کی تعیناتی کا معاملہ،عمران خان سے مشاورت کے بعد صدر مملکت نے فیصلہ کر لیا

اسلام آباد(نیوز ڈیسک) واضح رہے کہ آج جمعرات کے دن وزیر اعظم پاکستان میاں محمد شہباز شریف

نے لیفٹیننٹ جنرل عاصم منیر کو بطور  آرمی چیف اور لیفٹیننٹ جنرل ساحر شمشاد کو بطور چیئر مین جوائنٹ چیفس آف سٹاف کمیٹی تعینات کرنے کی سمری صدر پاکستان ڈاکٹر عارف علوی کو بھیجی تھی۔
جس پر مشاورت کیلئے ڈاکٹر عارف علوی چیئر مین پی ٹی آئی عمران خان کے گھر زمان پارک لاہور میں پہنچے ہیں جہاں  وزیر  اعظم کی جانب سے بھجوائی گئی سمری پر مشاورت ہوئی ۔ آرمی چیف اور چیئر مین  جوائنٹ چیفس آف سٹاف کمیٹی  کی تعیناتی کے حوالے سے صدر مملکت عارف علوی نے عمران خان سے مشاورت  کی ہے ، نجی ٹی وی کے مطابق عمران خان صدر مملکت کو وزیر اعظم شہباز شریف کی جانب سے بھجوائی گئی سمری کو آئین و قانون کے مطابق دیکھنے کا کہا ہے ۔ نجی ٹی وی چینل “دنیا نیوز”کےمطابق  چیئر مین پاکستان تحریک انصاف عمران خان نے صدر

مملکت عارف علوی کو کہا ہےکہ ہماری کسی ادارے کے ساتھ کوئی جنگ نہیں ہے، ہم نے آئین و قانون کی پاسداری کرنی ہے اس لیے آرمی کی 2 اہم ترین تعیناتیوں کیلئے وزیر اعظم آفس سے بھجوائی گئی سمری کو آئین و قانو ن کے مطابق دیکھیں۔ دوسری جانب اینکر پرسن ابصا کومل کا کہنا ہے کہ نئے چیئر مین جوائنٹ چیفس آف سٹاف جنرل ساحر شمشاد نے جب آرمی جوائن کی تو اپنے قریبی رشتہ دار کے خانے میں “8سندھ رجمنٹ “کا نام لکھا تھا ۔تفصیلات کے مطابق سماجی رابطے کی ویب سائٹ ٹویٹر پر پیغام جاری کرتے ہوئے اینکر پرسن ابصا کومل نے کہا کہ نئے چیئر مین جوائنٹ چیفس آف سٹاف جنرل ساحر شمشاد کی کہانی ناقابل یقین ہے ۔

Leave a Reply

Your email address will not be published.