صدرجوبائیڈن کا پاکستان سے متعلق اہم فیصلہ….! طویل عرصے بعد پاکستانیوں کو سرپرائز دے دیا گیا –

واشنگٹن(ویب ڈیسک) امریکہ نے طویل عرصے بعد بلآخر پاکستان میں اپنا سفیر نامزد کرنے کا فیصلہ کرلیا ہے۔صدر جو بائیڈن نے ڈونلڈ بلوم کو اسلام آباد میں سفیر نامزد کیا ہے—–۔ڈونلڈ بلوم 2019 سے تیونس میں امریکہ کے سفیر ہیں

انہیں طویل عرصے تک تیونس میں سفارت کاری کرنے کا تجربہ ہے۔ڈونلڈ بلوم اس سے پہلے قابل کے سفارتخانے میں بحیثیت کونصلر برائے
سیاسی امور خدمات انجام دے چکے ہیں ،

وہ لیبیا کے لیے بھی ناظم الامور رہ چکے ہیں۔رپورٹس کے مطابق امریکی سفیر مقبوضہ بیت المقدس اسرائیلی کونصل خانے میں بھی قونصل جنرل رہے ہیں۔اس کے علاوہ بغداد میں ملٹی نیشنل فورس انگیجمنٹ سیل کے سیاسی کونصلر تھے۔

ڈونلڈ بلوم نے مشی گن کی یونیورسٹی سے تعلیم حاصل کی اور وہ روانی سے عربی بھی بول سکتے ہیں۔ان کی پاکستان تعیناتی کے لیے امریکی سینیٹ سے توثیق کا مرحلہ ابھی باقی ہے۔

یہاں واضح رہے کہ پاکستان میں طویل عرصے سے امریکہ کا کوئی سفیر نہیں تھا اس وقت انجیلا ایگل بحیثیت ناظم الامور خدمات انجام دے رہی ہیں۔دوسری جانب عالمی سطح پر منی لانڈرنگ اور دہشت گردی کی مالی معاونت کے تدارک کی نگرانی کرنے والے ادارے

فنانشل ایکشن ٹاسک فورس (ایف اے ٹی ایف) کی طرف سے پاکستان کو مزید چار ماہ کے لیے نگرانی کی گرے لسٹ میں ہی رکھا جائے گا۔ڈی ڈبلیو ذرائع کے مطابق پاکستان کے اسٹیٹس میں تبدیلی کا فیصلہ اب آئندہ سیشن ہو گا جو اپریل 2022 میں منعقد ہونا ہے۔

ڈی ڈبلیو ذرائع کے مطابق پاکستان کو اپریل تک اپنی گرے لسٹ میں رکھنے کے فیصلے کے ساتھ ساتھ ایف اے ٹی ایف کے اجلاس میں پاکستان کی طرف سے کیے گئے اقدمات کو سراہا جائے گا، تاہم ساتھ ہی یہ بھی کہا جائے گا کہ پاکستان عالمی سطح پر ایف اے ٹی ایف کے معیار پر مکمل طور پر پورا نہیں اتر پایا ہے۔

READ MORE INTERESTING ARTICLES BELOW