انڈین چیف آف ڈیفنس سٹاف کی ہیلی کاپٹر حادثے میں موت لیکن ثانیہ مرزا نے ایسا کام کردیا کہ بھارتی صارفین آگ بگولا ہوگئے

پاکستانی کرکٹر شعیب ملک کی اہلیہ اور بھارتی ٹینس سٹار ثانیہ مرزا کو انڈین چیف آف ڈیفنس سٹاف بپن راوت کی ہلاکت کے دن سوشل میڈیا پر ڈانس کی ایک ویڈیو پوسٹ کرنے پر بھارتی شہریوں نے کڑی تنقید کا نشانہ بناڈالا۔

نجی ٹی وی چینل 24نیوز کے مطابق ثانیہ مرزا نے اپنے انسٹاگرام اکاﺅنٹ پر یہ مختصرسی ویڈیو پوسٹ کی ہے جس میں وہ اپنی بہن انعم مرزا کے ساتھ ڈانس کر رہی ہوتی ہیں۔

رپورٹ کے مطابق اس ویڈیو پرکمنٹس میں سینکڑوں لوگ ثانیہ اور انعم کی باہم محبت اور مضبوط تعلق کی تعریف بھی کر رہے ہیں تاہم کئی لوگوں کو یہ ویڈیو اس لیے پسند نہیں آئی کیونکہ اسی دن وہ بدقسمت حادثہ پیش آیا

جس میں جنرل بپن راوت، ان کی اہلیہ اور 13دیگرلوگ لقمہ اجل بن گئے۔ حسب عادت ان انتہاءپسندبھارتیوں کی طرف سے ثانیہ مرزا کو پاکستانی ہونے کے طعنے دیئے جانے لگے۔

ایک شخص نے لکھا ہے کہ ”پاکستان ہے تو، بس انڈیا سے پیسہ چاہیے تجھے۔“ ایک اور شخص نے لکھا ہے کہ ”کوئی مر گیا، تم لوگوں کو شرم نہیں آ رہی۔“

read more news articles below