یہاں حالات خراب ہیں کسی کو مدد کےلئے بھیج دو ۔۔ مری میں برف باری میں پھنسے نوجوان اور دوست کی آپسی بات چیت منظر عام پر آ گئی – News1

یہاں حالات خراب ہیں کسی کو مدد کےلئے بھیج دو ۔۔ مری میں برف باری میں پھنسے نوجوان اور دوست کی آپسی بات چیت منظر عام پر آ گئی

مری کی خطرناک صورتحال اور مری سے موصول ہونے والی تصاویر اور ویڈیوز بھی ہر کسی کو دکھی کر رہی ہیں۔

سوشل میڈیا پر وائرل ایک پوسٹ میں دو لوگوں کی باتوں کو پڑھا جا سکتا ہے جس میں ایک نوجوان مری کی شدید برف باری میں پھنسا ہوا مدد کے لیے میسج کر رہا ہے۔نوجوان نے میسج کیا کہ “بھائی مری میں پھنسا ہوا ہوں، فیملی ساتھ ہے، گاڑی نکلوا دے، 4 بجے کے پھنسے ہوئے ہیں۔ موبائل چارجنگ بھی ختم ہونے والی ہے۔

جب کہ اس کے دوست نے اس کی بات کو مذاق میں اڑا دیا کہ بھائی انجوائے کرو دو دن بعد نکل ہی آؤ گے لیکن برف باری میں پھنسا نوجوان التجا کرتا رہا کہ ” بھائی بھائی میں سنجیدہ ہوں، حالات خراب ہیں یہاں، کر نا کچھ”۔

ٹوئیٹر پر وقاص احمد کی جانب سے یہ چیٹ شئیر کی گئی تھی، جب کہ ان کا کہنا تھا کہ یہ فیملی اس مشکل صورتحال میں بحفاظت نکال لی گئی ہے۔

لیکن بہت سے افسوس ناک واقعات بھی پیش آئے ہیں ایک ہی گھر کے 10 افراد جاں بحق ہوگئے ہیں اور ایک اے ایس آئی اپنی فیملی سمیت جاں بحق ہوگیا ہے اللہ ان سب کی مغفرت کرے اللہ ان تمام مرحومین کے گھر والوں کو صبر دے