کھاد اور ڈی اے پی مہنگی، تاجروں کے بعد کسان اتحاد نے بھی ملک گیر احتجاج کا اعلان کر دیا

کھاد اور ڈی اے پی مہنگی، تاجروں کے بعد کسان اتحاد نے بھی ملک گیر احتجاج کا اعلان کر دیا

مکوآنہ (این این آئی ) کھاد اور ڈی اے پی کی مہنگائی کے خلاف پاکستان کسان اتحادنے 14 فروری سے ملک گیر کسان احتجاج کا اعلان کردیاہے۔ این این آئی سے گفتگو کرتے ہوئے آل پاکستان کسان اتحاد خالد کھوکھر نے کہا کہ گندم کی کاشت کے لیے کھاد نہیں ملی اور اب حکومت نے منی بجٹ میں زرعی اشیا پر نئے ٹیکس لگا دیے ہیں، کسان اتنے پریشان ہیں کہ ان کے بچے اسکول نہیں جاسکتے، اس لیے بچوں کے ساتھ احتجاج کریں گے۔خالد کھوکھر کا کہنا تھا کہ کھاد اور ڈی اے پی کی کمی کی وجہ سے گندم کی پیداوار میں کمی آئیگی اور اس سال بھی گندم درآمد کرنا پڑے گی۔