ٹھیک ایک سال بعد کیا ہونیوالا ہے— ؟ نصرت جاوید نے موجودہ مہنگائی کی لہر کے پیچھے چھپی کہانی بے نقاب کردی –

لاہور (ویب ڈیسک) نامور کالم نگار نصرت جاوید اپنے ایک کالم میں لکھتے ہیں ۔بارہا اس کالم میں آپ کو یاد دلاتے ہوئے شرمندگی محسوس کرتا ہوں —–کہ سرمایہ دارانہ نظام پر مبنی جو عالمی معیشت ہے اس کا نگہبان ادارہ آئی ایم ایف ہے۔

اس کے دھندے کو رواں رکھنے کے لئے کلیدی سرمایہ ریاست ہائے متحدہ امریکہ نام کا ایک ملک فراہم کرتا ہے۔اسی باعث تقریباََ90ممالک پر مشتمل آئی ایم ایف میں یہ واحد ملک ہے جسے ویٹو جیسا اختیار بھی میسر ہے۔

عمران خان صاحب جن دنوں اپوزیشن میں تھے تو امریکہ کو کڑی تنقید کا نشانہ بناتے تھے۔افغانستان پر برپا ہوئی لڑائی کی انہوں نے سخت ترین الفاظ میں محض مذمت ہی نہیں کی۔پاکستان کے زمینی راستوں سے اس ملک میں موجود امریکی

اور نیٹو ممالک کی افواج کے لئے فراہم ہوئی رسد کو روکنے کے لئے دھرنے بھی دیتے رہے۔ڈرون طیاروں کی مخالفت بھی جاری رکھی۔شہزاد اکبر صاحب جو ان دنوں عمران حکومت کے مبینہ طورپر سیاست دانوں کا روپ دھارے چور

اور لٹیروں کے کڑے احتساب کے مدارالمہام بھی ہیں ڈرون طیاروں کے استعمال کے خلاف تھانوں میں آئی ایف آر بھی لکھواتے رہے۔ ان کے خوف سے اسلام آباد میں تعین سی آئی اے کے ایک سٹیشن چیف کو نہایت راز داری سے اپنے ملک لوٹنا پڑا۔میری جوانی ’’امریکا کا جو یار ہے…‘‘

والے نعرے لگاتے ہوئے خرچ ہوگئی۔ میں ان دنوں بھی اس ملک کا مدح سرا نہ ہوا جب امریکی ڈالروں اور جدید ترین ہتھیاروں کی مدد سے افغانستان میں کمیونزم کو شکست دینے کے لئے جنرل ضیاء الحق جیسے مرد مومن کی قیادت میں جذبے کو پروان چڑھایا گیا۔نائن الیون کے بعد مگر یہ ’’لڑاکے ‘‘ شرپسند ٹھہرادئیے گئے۔ان کی سرکوبی کے لئے ایک اور لڑائی کا آغاز ہوا۔وہ لڑائی پاکستان کی مدد کے بغیرلڑی ہی نہیں جاسکتی تھی۔میں اگرچہ

اس کی بابت بھی لاتعلق رہا۔اپنے ماضی کے ساتھ عمران خان صاحب کی گفتگو میرے کانوں کو بہت بھلی لگی۔

ملکی سیاست کا طالب علم ہوتے ہوئے بالآخر مگر یہ سوچنے کو مجبور ہوا کہ دیگر سیاست دانوں کی طرح حتمی ہدف ان کا بھی اقتدار کا حصول ہے اور پاکستان میں کوئی ایک حکومت بھی 1950کی دہائی سے امریکہ کی معاونت کے بغیر چین وسکون سے حکومت نہیں کرپائی ہے۔ اسی باعث اپوزیشن میں رہتے ہوئے جب عمران خان صاحب یہ دعویٰ کرتے تھے کہ وہ ملکی معیشت کے استحکام کے لئے آئی ایم ایف سے رجوع کرنے کے بجائے خودکشی کو ترجیح دیں گے تو میرا جھکی ذہن پھکڑپن کو مجبور ہوجاتا۔اس پھکڑپن کی وجہ سے میں ’’لفافہ‘‘ مشہور ہوا۔ سوشل میڈیا پر چھائے تحریک انصاف کے سپاہ ٹرول نے میری ذاتی زندگی کو غیر اخلاقی دکھاکر لوگوں کے روبرو پیش کیا۔

ڈھیٹ ہڈی ہوں لہٰذا ٹس سے مس نہ ہوا۔اگست 2018میں بالآخر پاکستان کی وزارت عظمیٰ کا منصب سنبھالنے کے بعد عمران خان صاحب نے آئی ایم ایف سے رجوع کرنے میں بہت دیر لگائی۔انہیں گماں رہا کہ ماضی کے حکمرانوں کو احتساب بیورو کے ذریعے الٹکا لٹکانے کے بعد وہ قوم کی نام نہاد لوٹی ہوئی رقم وصول کرلیں گے۔وزیر خزانہ ان کے اسد عمر تھے۔ وہ سیاست میں آنے سے قبل ایک کامیاب ترین کاروباری ادارے کے سربراہ تھے۔ امید باندھی گئی کہ وہ اپنے تجربے کو ملکی معیشت سنوارنے کے لئے بروئے کار لائیں گے۔دریں اثناء ماحول یہ بھی بنا کہ چین کے علاوہ سعودی عرب اور متحدہ عرب امارات جیسے برادر ممالک بھی عمران خان صاحب جیسے صاف ستھرے

سیاست دان کی قیادت میں قائم ہوئی حکومت کی

بھرپور مالی معاونت کو تیار ہیں۔معاشیات کے علم سے قطعاََ نابلد ہوتے ہوئے بھی میں فریاد کرتا رہا کہ بالآخر آئی ایم ایف ہی سے رجوع کرنا پڑے گا۔بالآخر وہی ہوا جس کا مجھے برسوں سے خدشہ تھا۔ اسد عمر کو واٹس ایپ کے ذریعے پیغام بھیج کر وزارت خزانہ سے فارغ کردیا گیا۔ان کی جگہ ڈاکٹر حفیظ شیخ کسی بھی ایوان کا رکن منتخب ہوئے بغیر ہماری معیشت کے حتمی نگہبان بنادئیے گئے۔اپنا عہدہ سنبھالتے ہی شیخ صاحب نے آئی ایم ایف سے رجوع کیا۔ طویل مذاکرات کے بعد ایک معاہدہ ہوا۔اس کے مطابق پاکستان کی معیشت کو سہارا دینے کے لئے عالمی معیشت کے نگہبان ادارے نے ہمیں مختلف اقساط میں 6ارب ڈالر فراہم کرنے کا وعدہ کیا۔ اس رقم کے بلاتعطل حصول کے لئے مگر چند شرائط پر عمل درآمد بھی ضروری تھا۔ پاکستانی روپے کی قدر کو امریکی ڈالر کے مقابلے میں کم کرنا معاہدے کی کلیدی شرط تھی۔ اس کے علاوہ اصرار یہ بھی ہوا کہ ہمارے گھروں کو میسر بجلی اور گیس کی قیمتوں کو طلب اورر سد کی منطق کے مطابق بڑھایا جائے۔ مذکورہ شرائط پر عملدرآمد شروع ہوا تو بازار میں کسادبازاری پھیل گئی۔ لاکھوں افراد اس کی وجہ سے بے روزگار ہوئے۔محدود اور کم آمدنی والے افراد کے لئے روزمرہ اخراجات سے نبردآزما ہونا ناممکن ہوگیا۔یہ مسائل اپنی جگہ موجود تھے تو کرونا نامی وبا بھی نازل ہوگئی۔

کئی مہینوں تک اس نے ہمیں گھروں تک محدود کردیا۔معمولات زندگی جامد ہوئے نظر آئے۔اپنی مصیبتوں کی تمام تر ذمہ داری مگر ہم نے محض ایک فرد یعنی ڈاکٹر حفیظ شیخ

کے کاندھوں پر ڈال دی۔انہیں برا بھلاکہتے ہوئے یادرکھنا ہی گوارہ نہ کیا کہ وہ خلائی مخلوق کی طرح کسی اور سیارے سے نازل نہیں ہوئے تھے۔انہیں ہمارے حکمرانوں نے بہت چائو سے قومی خزانہ کا نگہبان بنایا تھا۔ڈاکٹر حفیظ شیخ اپنے سرنازل ہوئی بلائوں کی وجہ سے اسلام آباد سے سینٹ کے رکن منتخب نہ ہوپائے۔یہ انتخاب ہارنے کے باوجود انہوں نے بطور وزیر خزانہ آئی ایم ایف سے طے ہوئی شرائط پر کامل عملدرآمد کے لئے ایک اور تحریری معاہدہ پر دستخط کئے۔یہ دستخط ہوگئے تو انہیں بھی اسد عمر کی طرح وزارت سے فارغ کردیا گیا۔ان کی جگہ شوکت ترین صاحب کو بہلا HGFG756765Gپھسلا کر وزیر خزانہ بنایا گیا۔شوکت ترین صاحب بنیادی طورپر ایک بینکار ہیں۔ اس حیثیت میں وہ کتنے کامیاب رہے اس کے بارے میں کوئی رائے دینے کو مجھ جیسے کم علم صحافی کی اوقات نہیں۔ترین صاحب بہت رعونت سے قومی اسمبلی میں کھڑے ہو کر اپنے والد مرحوم کا نام لیتے ہوئے اپنی خاندانی شرافت اور اصول پسندی پر زور دیتے رہے۔رواں مالی سال کا بجٹ پیش کرتے ہوئے انہوں نے کمال اعتماد سے یہ دعویٰ بھی کیا کہ آئی ایم ایف کو واضح الفاظ میں بتادیا گیا ہے کہ ملکی معیشت کی کماحقہ نمو کے لئے لازمی ہے کہ فی الوقت بجلی کی قیمتیں نہ بڑھائی جائیں۔اس ضمن میں ان کی جانب سے ہوئے دعویٰ پر مجھے

جیسے سادہ لوح پاکستانیوں نے اعتبار کیا۔گزشتہ چھ ہفتوں کے دوران مگر بجلی کی فی یونٹ قیمت میں بتدریج پانچ روپے کا اضافہ ہوچکا ہے اور معاملہ وہاں ختم ہوتا نظر نہیں آرہا۔

دریں اثناء ترین صاحب آئی ایم ایف سے مذاکرات کے لئے واشنگٹن روانہ ہوگئے۔وہاں سے انہیں فی الفور ایک ارب ڈالر کا سہارا درکار ہے۔فی الوقت عالمی معیشت کا نگہبان ادارہ یہ سہارا دینے کو آمادہ نظر نہیں آرہا۔شوکت ترین صاحب سینٹ کے رکن بھی منتخب نہیں ہو پائے ہیں۔یوں محسوس ہورہا ہے کہ اسد عمر اور حفیظ شیخ والے انجام سے دو چار ہونے والے ہیں۔قومی اسمبلی اور سینٹ میں بھاری بھر کم تعداد میں موجود اپوزیشن جماعتوں کے نمائندوں نے ایک دن کے لئے بھی حکومت کو مجبور نہیں کیا ———————–کہ شوکت ترین ایوان میں کھڑے ہوکر بتائیں کہ آئی ایم ایف ہم سے درحقیقت کیا چاہ رہا ہے۔ پی ڈی ایم نامی اتحاد میں شامل جماعتیں مگر ملک بھر میں مہنگائی کے خلاف احتجاجی اجتماعات کا ارادہ باندھے ہوئے ہیں۔اس ارادے کے پیچھے شہباز شریف جیسے افراد کی یہ خواہش بھی شامل ہے جو ’’شاید مجھے نکال کے پچھتارے ہوں آپ‘‘والی خودپرستی کا اظہار ہے۔یہ حقیقت یادددلاتے ہوئے کالم کو ختم کرتا ہوں کہ وزیر اعظم کے منصب پر جو بھی بیٹھا ہو ریاستِ پاکستان نے عالمی معیشت کے نگہبان ادارے سے ایک تحریری معاہدہ کررکھا ہے۔اس معاہدے کی تکمیل ستمبر2022میں ہونا ہے اور اس تاریخ تک ان تمام شرائط پر عملدرآمد لازمی ہے جو حفیظ شیخ نے طے کی تھیں۔

GFGR5656TRYY6765THGFYTY